Liebi Holzfade Bsucher 

Es esch es bsunders Johr 2025 gsy. Echli ruhig um mis Hobby esches wurde. Das hett en Grund gha.

De Martin und ech, mier hend züglet. Vo üsem Hüsli in Rotheburg in es neus barierefreis Hüsli do in Megge. Es esch ganz viel Arbet gsy noch wunderbare und schöne 15 Johr do in Rotheburg. 

Im neue Hüsli do in Megge fod e neue Lebensabschnitt für de Martin und mich a.

Mier freued üs, uf wieteri vielli Johr mit Eu vom Megger Hüsli us

Liebsti Grüssli

Dorina & Martin

Zum Johresändi

Liebi Familie, Fründe, gschätzti Chundschaft und Märtbsucher

De dajöhrigi Rotheburger Wiehnachtsmärt esch ganz en bsundrige gsy. Bereits am frühe Morge mit dem viele Schnee ❄️ esch en ganz wiehnächtlichi Atmosphäre do gsy wo de ganz Tag üs verzaubert hett.

Mini mit viel Liebi gmachte Höggeltierli hend eis ums andere es schöns neus Dihei gfunde. Mängisch han i fast echli Wehmut, wenn i si darf übergä und sie i neui Händ chömed. Vo Härze dankbar bi au für die velle neue Bstellige ♥

Au mini handgmachte Chrippli und Wichtelhüsli hend velli bestuhnt und mängs Chinderäugli hett glüchted bim luege. So han i au dörfe einigi ipacke und sie wärde a Wiehnachte mängs Huus schmücke und ehres Weihnachtsgschichtli verzelle vo Maria, Josef und em Jesuschindli ......

Friede uf Erde 🌍 wünsch ich Eu allne.

So wärde au mini velle neue Chärzekreatione das Johr bi vellne Dihei lüchte 🕯️ und möged Sie Glück und Hoffnig verbreite.

Ech möcht Eu allne vo Härze danke für Euches Bsüchli am Wiehnachtsmärt und wünsche Eu es schöns Wiehnachtsfäst und es glücklichs neus Johr 2024.

Euchi Holzfädeler Dorina & Martin