Gedanken zum neue Johr

 

Momentan befind ich mich innere Übergangsphase......

 

Oftmals wärde schwierigi Ereigniss, die mer scho gmeint het hinder sich glo z`ha, grad ide de Übergangsphase vom alte zum neue Johr lebendig. Emotione suched ihre Rum. Bsunders, wenn mer e liebe Mönsch, es Hustier oder e liebgwonneni Umgäbig muss los lo, chas si, dass mer de Schmärz und Trur nomol ganz intensiv dureläbt. 

 

Das Trurigsi zuloh, hilft eim verarbeite und esch e Schritt i die neui Richtig. Annäh und weder losloh .... und irgendwenn chan neus entstah.

 

S`neue Johr bietet mier Möglichkeit vomene Neuafang. .........





Zum Johresändi

 

Liebi Familie, Fründe, gschätzti Chundschaft und Märtbsucher

 

De dajöhrigi Rotheburger Wiehnachtsmärt esch ganz en bsundrige gsy. Bereits am frühe Morge mit dem viele Schnee ❄️ esch en ganz wiehnächtlichi Atmosphäre do gsy wo de ganz Tag üs verzaubert hett.

 

Mini mit viel Liebi gmachte Höggeltierli hend eis ums andere es schöns neus Dihei gfunde. Mängisch han i fast echli Wehmut, wenn i si darf übergä und sie i neui Händ chömed. Vo Härze dankbar bi au für die velle neue Bstellige ♥

 

Au mini handgmachte Chrippli und Wichtelhüsli hend velli bestuhnt und mängs Chinderäugli hett glüchted bim luege. So han i au dörfe einigi ipacke und sie wärde a Wiehnachte mängs Huus schmücke und ehres Weihnachtsgschichtli verzelle vo Maria, Josef und em Jesuschindli ......

Friede uf Erde 🌍 wünsch ich Eu allne.

 

So wärde au mini velle neue Chärzekreatione das Johr bi vellne Dihei lüchte 🕯️ und möged Sie Glück und Hoffnig verbreite.

 

Ech möcht Eu allne vo Härze danke für Euches Bsüchli am Wiehnachtsmärt und wünsche Eu es schöns Wiehnachtsfäst und es glücklichs neus Johr 2024.

 

Euchi Holzfädeler Dorina & Martin